Muktak : पुच्छर

 पुच्छरले पुछारमा आफूलाई देख्छ सँधै
रिसरागको आगोमा आफूलाई सेक्छ सँधै
अपूरो ज्ञान अनी अधुरो बिबेकको आडमा
अगाडि बढ्नबाट आफैलाई छेक्छ सँधै ।।

प्रथा

 थोरैले मात्र बुझ्छन् व्यथा तिम्रा
बाँकी चाहन्छन् सुन्न कथा तिम्रा
भूसको आगोमा खरानी मात्र देखिन्छ
बनिदिन्छ आमोदी पिल्साई प्रथा तिम्रा ।।
 

साथ र साथी

 म फूलले दिएको काँडा पनि स्विकर्ने मान्छे
म अहम् रिस्-राग सबै धुत्कार्ने मान्छे
साथ र साथीको लागि सबै जायद ठान्ने  
म माया प्रेम विश्वाशलाई पुकार्ने मान्छे ।

मुक्तक : होड

 जिन्दगीले कस्तो लियो मोड त्यो
छुटाई सारा अगी बढ्ने होड त्यो
मन अमिलो अतितमा ढल्किँदा
ठिहिमा रित्तिएर उभीईरह्यो ढोड त्यो ।।

मुक्तक : अनुभव

भेटिएला अफ्टेरा बाटाहरू

भेटिएका दरिला भाटाहरू

कर्म गरि अगि बढ्नुस् है, खै गर्नेलाई

देखाई देऊ अनुभवका टाटाहरू 

कविता : मौन पहाड

कविता : मौन पहाड
~आविष्कार

अडिग मौन उभिएको छु
अपल समय बिताएको छु
मागेका कुरा सुटुक्क दिन्छु
तीता भाव घुटुक्का निल्छु
चुक्किएका सम्झनाहरू माझ
उजाड कल्पनाहरु सजाउँदै
हेर्दैछु कुर्दैछु ।

मुक्तक : छोरा

कसरी पोखुँ मनको बह थुन्छु भावना बनाएर दह छोरा होस् बहन हुँदैन भन्छन् भर्न हुँदैन पानीले गह

मुक्तक : एक्लो डाँडा

आँगनमा अग्ला घाँस छन् खेतबारिमा उम्रिएका बाँस छन् शहर तिरै झर्छन्, माथि डाँडा एक्लो छ रगतसँग साटिएका गाँस छन् । 10-05-2021

मुक्तक : रमिते

ढलिसक्यो बाबु घर अब त तिमी नै हाम्रो भर अब त रमिते बनेकोछ चौतारी, गिज्याउँछ मात्र कुरिरहेछ पिपल र बर अब त 10-05-2021

मुक्तक : निभ्यो टुक्की

भत्कियो पीँडी, तगारो भत्कियो खस्यो बूईंगेल, गारो भत्कियो कुर्दैछ रोकेर सास बुढो दलिन निभ्यो टुक्की, धारो भात्कियो ।। 10-05-2021